Мұражайға саяхат жасау тұлғаның үйлесімді дамып, қалыптасуына зор ықпалын тигізеді. Сонымен қатар, оқушыларды ұлтжандылыққа, мәдениеттілікке, өз елінің тарихын құрметтеуге тәрбиелеп, шежірелі өлкенің тарихын біліп қана қоймай, оны сүйіп, құрметтеу әрбір азаматтың міндеті екендігін жете түсінуіне көмектеседі.
Оқушылардың бойында Отанға, елге деген патриоттық сезімдерін ояту мақсатында 5 «А» сынып оқушылары өлкеміздің Ә.Кекілбаев атындағы облыстық тарихи-өлкетану мұражайына саяхат жасады.
Өлкетану мұражайы, палеонтология залынан басталған шолуымыз табиғат залы, археология, этнография, Тәуелсіздік залы, қала тарихы, жылжымалы көрме залы бөлімдерімен сабақтасты. Оқушыларымыз мұражай қызметкеріне өз сұрақтарын қойып, көптеген құнды ақпараттар алды. Балалар аса қызығушылықпен тыңдап, өз әсерлерімен бөлісті.
Сынып жетекшісі: Аймаганбетова З.У.
Development and support: